Katkam wa pyntip ki pulit ka Nongstoin Police Station wa haka 17 tarik uni u bnai ki 3 ngut kitæ u Rajentu L Nonglait (24 snem), u Rajit L Nonglait (30 snem) wa u Shanborstar L Nonglait kiwa na chnong Mawkyllei da lai ki cha Pyndengshallang Maweit yow lai pait ya kawi ka thaw tih mooyong iwa da ieh khlem pynemkaam.
Heipor 4 waje i janmiet, u Rajentu L Nonglait da psiah u chapoh ini i thaw tih mooyong iwa ym em pynemkaam de, wei manda poi chapoh da kbai u wa ym ye u wow riñ mynsien bha.
Ya ini da sñiaw da kiwa em cha lait heiwa u Rajit L Nonglait da psiah u chapoh yow lai pynlait ya u Rajentu L Nonglait.
Tangwa hadien wa pyn-ar ym mih ki cha lait, u Shanborstar L Nonglait uwa yang cha lait da lai pyntip u cha kiwa chong chnong yow paan yarap na ki.
Ha ini i jia, u Rajit L Nonglait da khlaad noh u katwa u Rajentu L Nonglait da sai ya oo deiwa ym em yong bru de u wei da kit cha Nongstoin Civil Hospital yow yoh yei sumaar.
