Yap uwi hei ya tyrrah ki Truck, sahkut kari 5 kynta ha 12 Mer Byrnihat

I ya tyrrah kari ha 12 Mer ha Byrnihat, Ri-Bhoi da wanrah ko yei yap uwi u bru wei i sahkut kari hadooh san kynta.

Ini da jia i ynne ka sngi heipor 3:00 waje i janmiet heiwa kawi ka Truck kit phniang da lai tyrrah ko ya kawi won ka Truck.

Katkam ka khubor wa da yoh, kawi ka Truck wa em Number ML-11A-1348 wa yah da u Mackswell Dkhar (36 snem), uwa na Rymbai, East Jaiñtia Hill heipor dang pyrchang u wow pynkhai syndet ya ka Truk wei heini i por kawi ka chaka ka Truck da pdung ko wei da hiar u yow pait yeini wei heini i por da poi syndet sa kawi ka Truck kawa kit phniang wa em Number ML-05AC-7700 kawa da wan tyrrah bait daiñ nadien yong ka.

Related posts

Yoh bhah ka West Jaiñtia Hills napyrdi ki 100 tylli ki District ka ri wa chah jied u yoh ya ka Scheme PM Dhan Dhaanya Krishi Yojana

October 11, 2025

Chah thok kawi ha kiwa kular e ram ha Facebook

October 11, 2025

Ya u Mackswell Dkhar da rah noh wut-wut cha CHC Byrnihat neidaw wa mynsoo joor yow yoh yei sumaar tangwa hadien wa poi ha ka thaw sumaar, ki Doctor da pynbna ki wa da khlaad noh u.

Yei metyap uni uwa yah Truck da rah noh cha Civil Hospital Nongpoh yow leh ya ka Post-Mortem.