Jowai: Uwi u chipai ka India da khlaad u ynne ka sngi hadien wa siat suloi siat bom (Mortar) ka Pakistan ha ki chnong wa em hajan u Line of Control (LoC) ha ki thaaiñ Nowshera Sector yong ka Rajouri District.
Ya uni u chipai da tip kam u Lance Naik Sandeep Thapa, uwa 35 snem i rta na Dehradun wei da khlaad u hadien wa pynjoor ka Pakistan u siat kuli siat bom cha ki chnong wa em hapoh India.
Ka khubor da ong ko wa ini i sdang siat ki chipai ka Pakistan khlem daw da sdang i heipor kamwa 6:30 i step iwa da pynbor ya ki chipai ka India wow siat kylla ki cha Pakistan.
Da ong leh wa kawi ka thaw chong ki chipai Pakistan wa em cha chiliang ka Rajouri Sector da chah tympdung ko ha ki chipai ka India ynne tangwa ym tip ya kiwa chah ktah na ini neiliang ka Pakistan.
Discussion about this post