Yap uwi u dkhot ka GNLA ha i yasiat hapyrdi ki pulit SF-10

Tura: Ynne i step ka 27 tarik heipor kamwa 6:30 i step da em i yasiat hapyrdi ki pulit SF-10 wa ki dkhot ka GNLA.

Ka yutip wa tikna da ong wa ini da jia i heipor wa dang thooh ki pulit ya ki dkhot kani ka seiñ hadien wa yoh yutip ki wa em u C-in-C yong ka u Sohan D. Shira wa em u ha ini i khloo wa tip kam i Chitmang Hills wa ka Rongsu ka South Garo Hills.

Manda jan poi ki pulit cha i thaw wa em kini ki dkhot da siat syndet kini ki dkhot ya ki pulit wei da em i yasiat kylliang iwa da neh hadooh kamwa 10-15 minit.

Hadien ini i yasiat da chem ya i metyap uwi u dkhot uwa tip kam u Ading Ch. Marak uwa da khut sin kam u Lukseng Ch. Marak.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

Uni uwa khlaad toh uwa na ka 6th Batch ka GNLA wei kiwi ki dkhot kamjooh u Sohan da yoh ki u yut na kani ka thaw.

Na ini i thaw da chem ya kawi ka suloi AK-56, soo tylli ki magazine, ki kuli AK-56, ki ID Card, 2 tylli ki mobile, ki Letter Pad, wa kiwi kiwi.