Ynnin ka 28 tarik, uwi u Under Trial Prisoner (UTP) namo u koidi uwa dang chah bichaar uwa chah kset ha District Jail and Correctional Home, Jowai da yap u wei da kit ya oo cha Jowai Civil Hospital, Ialong ynnin hi.
Ynne hawa yaklam wa kiwa chi yung uni uwa khlaad wa tip kam u Tenkini Siangshai, da pyntip ki wa toh uwa 32 snem i rta uwa na Wapungskur, East Jaiñtia Hills.
Neiliang u Nidalut Siangshai uwa man u payu u Tenkini, da ong u wa da pyntip cha ki wa da khlaad u Tenkini heipor kamwa 4:38 ynnin i janmiet manda poi ha Jowai Civil Hospital, Ialong tangwa ha Hospital da pyntip ki wa da khlaad u chwa wow poi cha Hospital.
Kamtæ hajrong ini neiliang ka yung da kyntu ko ya ka sorkar wow pynman ya ka takit wow tip yei daw wa khlaad kamjooh leh heiwon i thaw wa khlaad u.
Neiliang ki Doctor ynne da pyndep ki ya ka Post Mortem wei ya i metyap da e kti cha kiwa ha-yung wow leh yeiwa emkaam.
Kamwa man kattæ ym tip che wa lada khlaad u hapoh Jail næ ha luti neibhah cha kiwa ha-yung da em wa Phone ki wow wan ki cha Hospital neidaw wa da kit noh ya u Tenkini cha thaw sumaar wei ki leh ym tip ki wa lada Phone kiwa na Jail næ kiwa na Hospital.
Discussion about this post