Ynnin i janmiet ka 24 tarik heipor kamwa 5:00 waje, ar ngut ki bru wa khih mylla yow pynkhooid ya kawi ka thlu um kawa yillu hadooh 40 phut da haap ki chapoh ko kawa em hajan Polytechnic Jowai.
Ini da jia i neidaw wa ka kor Pump um wa pynemkaam toh kawa joor bha i mih tdem iwa da pyndooh la’ær ya kini kiwa kreh.
Kini ki ar ngut wa haap chapoh da tip kam u Sbor Shylla wa u Freddie Shylla wei deiwa yarap kiwa chong chnong da ye wow sai ki cha lait tangwa da yapler ki.
Kamtæ da pynkit ya ki wut-wut cha Hospital heiwa da khyrngiat yong bru won ki.
Uwi won uwa tip kam u Ribun Phawa uwa da yarap wow sai ya kini ki ar ngut, oo leh neidaw wa dooh la’ær da haap u chapoh kani ka thlu um.
Ya uni won da wan wow sai da ki pulit ka Fire & Emergency Service heiwa da ye wow sai oo heipor kamwa 8:00 waje i miet tangwa da khlaad noh u.
Discussion about this post