Yap uwi wei mynsoo ar ngut hei tyrrah kari ka Alto wa ka Innova ha u NH-6

Ynne i step da em i tyrrah kari ha u sarokbah NH-6 ha Byrnihat, Ri-Bhoi District hapyrdi ka Maruti Alto wa ka Toyota Innova heiwa uwa yah ya ka Alto da yap u katwa ar ngut ha ka Innova da mynsoo joor ki.

Ini i tyrrah da jia i hei step heior kamwa 10:30 heiwa ka Alto wa em Number ML-10A-7049 wa lai na Byrnihat cha Umtyrnga da tyrrah ko ya ka Innova wa em Number ML-10S-0011, wa yah da u Manish Kumar Jha (39), kawa lai cha Byrnihat.

Kiwa sakhi da ong ki wa ka Alto toh kawa da pynhær bha wei manda poi ko ha Byrnihat ymye de uwa yah u pynlai ya ka wei da kynthiar ko ya u Divider wa em ha pyrdi sarok wei da lai tyrrah u ya ka Innova.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Hapoh ka Alto em du uwa yah uwa tip kam u Helin Lyngdoh (60 snem), katwa ha ka Innova em le ngut wa kynthup ya uwa yah heiwa kiwa chong ar ngut da mynsoo ki wei da kit ya ki cha thaw sumaar ha Guwahati.

Neiliang ki pulit ka Byrnihat Police Outpost da poi ki ha ini i thaw wei da kit ki ya u Helin Lyngdoh cha Byrnihat CHC heiwa da yap u chwa wow poi ha thaw sumaar.