Ka Jaintia Students Movement (JSM) Umladang Unit, hadien wada ktah ka khang chnong namo ka Lockdown ya kiwa boon ha kini ki sngi, neiliang ka seiñ wa u bru samen u Jewel Synrem da yoh laad ki u e yarap katwa chah i bor cha ki manyung wa dooh wa em ha ka chnong Laru.
Ha katai ka sngi hei yahkhmat u President ka Umladang Unit u Precious Ryngkhlem da emlang leh waki dkhot ka seiñ wa u Jewel Synrem heiwa da saam da u khoo wa kiwi ki marbaam wa emkaam.
Ka seiñ da ong ko wa ini i e yarap ka seiñ man ko iwa sdang wei daw saam chooh chooh ko cha ki chnong hapoh West Jaiñtia neini chakhmat khamtam ya kitu kiwa chem chitom.
Neiliang ka seiñ da kyntu ko ya u MDC ka thaaiñ wow yarap u cha ki manyung katai ka thaaiñ neibhah boon kiwa kyrdooh khamtam heini i por wa em ka Lockdown wei ym hoi u leh arsap, næ khleh Politic hawa saam ya u khoo næ ki marbaam ha kam kini ki por, ong u President ka Umladang Unit.
Discussion about this post