Kawa kreh ka Indigo Airlines da chah pynkupburom ko ha ki pulit ka Mizoram hadien wa yarap ko wow kem ya i drug Methamphetamine (Crystal Meth drugs) wa chongdor Rs. 25.49 klur na ki ar ngut ki kyntai kiwa na Myanmar chirup wa ki dawai kuli wei kini toh kiwa wan na Manipur.
Kani kawa kreh ka Indigo toh kawa em ha Lengpui Airport, Aizawl.
Katkam wa ong ki pulit, ka Vanlalruati da yoo ko 10 song i drug wa khia 10.2 Kg iwa chongdor Rs. 25,494,000 heipor wa pait (Screening) ya ki muna kini ki ar ngut katwa dang Check-in ha ka Indigo Screening Point ha ka 4 tarik u Naichiphaw.
U DGP ka Mizoram, u Anil Shukla ynnin da pynkupburom u ya ka H T Vanlalruati, ka Executive Security ka Indigo Airlines deiwa e waka song poisa Rs. 5,000 waka chithi yaroh (Letter of Appreciation).
Ya kini ki drugs da chem na ar tylli ki synduk (Suitcase) rong bneiñ yong ka Lalremthangi waka Tinchuaii kiwa na Letpanchhawng, Myanmar.
Kini ki ar ngut da thmu ki wow lai cha nongbah New Delhi.
Da Register mukotduma pyrchah ya ki hapoh ka Narcotic Drugs and Psychotropic Substance Act 1985 waka Foreigners Act 1946.
Discussion about this post