Yarap kit ki BSF cha NEIGRIHMS ya uwa kjut chitom uwa na i chnong wym lait luti wa em ha West Jaiñtia

Ki chipai ka BSF Meghalaya da e yarap ki ya uwi u bru wa kjut wa chitom deiwa yarap kit ya oo na ka chnong u wa em hajan khappood wa ka Bangladesh iwa tip kam i Hawai Bhoi, West Jaiñtia Hills District iwa man leh i thaw wa chitom bha i lai luti.

Ini toh iwa da jia hei sngi ka 30 tarik u Naiynñiaw heiwa u waheh chnong ka Hawai Bhoi, u Phumen Shadap da paan yarap u na ki BSF wa em ha BOP Muktapur (4 Bn BSF) yow pynkit cha thaw sumaar ya u Sanjay Shadap (45 snem) uwa da joor i kjut i chitom deiwa prai dei snaam.

Kani ka chnong toh kawa sih bha u sarok wei ym em Ambulance leh chajan kawa ye u khut, kamtæ ki BSF da pynbiang ki ya kawi ka kari Bolero Camper yow wan cha kani ka chnong heiwa da kit ya uni uwa chitom cha BOP Muktapur wei neini won da kit da ka Ambulance ki BSF cha NEIGRIHMS, Shillong.

Da ini wa e yarap ka BSF, da lait u Sanjay Shadep nei maa hadien wa yoh u yei sumaar wa biang ha NEIGRIHMS.

Related posts

Pynkut uwi yei mynsien hadien wa pynpoor kawi yei Video wa pynbaad tba khlemakor u ka hapoh Bus

January 19, 2026

Kular u Nitin Gadkari wow chimkhia heiyatoh wa ka Flyover na Barik cha Jhalupara

January 19, 2026

Neiliang ki BSF da ong ki wa najrong wa yada ya u pood tangwa neipor cheipor da e yarap yeiwa emkaam kiwa chong chnong nadooh wow pynlait ya kiwa em hei maa hadooh i e dawai dachin leh.