Yarap pynchna wei niaam rong ka Seng Samla Katholik Parish Jowai ya ka yungmane ka Balang Mupyut

Jowai: Ka Seng Samla Katholik Parish Jowai ha ka 19 tarik uni u bnai da lai yarap pynchna wei da pynkhooid pynjngiar kamjooh da niaam rong ko ya ka Yungmane ka Balang Katholik Mupyut kam chibynta wow pynkhreh ya ka lehkmen Christmas.

Ha kani ka sngi da emlang chirup wa ki para wangait ka Balang Chnong Mupyut.

Hadien wa da dep ya ki waroh ki kaam da pynman sa ya ka Novena Christmas kamjooh ka Chaad Carol wei da em leh ka baam snaiwbha yong lang ha kani ka sngi pynkhreh yei wan ka sngi Christmas.

Ini i wan ki khynroo khyllood ka Jowai Parish da pynkmen ko ya kiwa para wangait ka Balang Mupyut nadooh kiwa kitkaam ka Balang hadooh ki tymmen ki manbei manpa ki khynroo khyllood wa ki khynnah.