Ki Chipai ka Indian Army ha i miet ka 3 tarik uni u bnai ha ki loom wa jrong kamwa 17,500 Feet kiwa em ha North Sikkim da yarap wei da pynlait ki ya 3 ngut ki nong China.
Kini ki 3 ngut wa kynthup ya ki 2 ngut ki chynrang wa kawi ka kynthai wei hadien wa chem wa kini ki 3 ngut em ki hei maa neidaw i kjam wei dait, ki chipai ka Indian Army da poi ki wut-wut ha kani ka thaw wa em ki wei da e dawai kamjooh da e la’ær Oxygen, i baam wa ki that kup ya ki.
Neiliang ki chipai da kdaw wei da pynyoo luti biang ki ya kini ki le ngut wow poi biang ki cha i thaw wa wan ki.
Kini ki 3 ngut da ekhublei ki ya ki chipai ka Indian Army hajrong ini i smat wow yarap ya ki.
Ini wan i hadien wa em i chong syir i man i long hapyrdi kini ki ar tylli ha khappood LAC ka Ladakh iwa da sdang nadooh u Naitung wa Naisan uni u snem.
