Ka Tourist Taxi Driver Association Lad Rymbai to Kalain Badarpur ynnin ka sngi ka 13 tarik, ka seiñ hapoh i yahkhmat u Happy E Rymbai, President yong ka, da e sñiawbha u da u khoo 10 churia wa u piat 1 Quintal cha ki 48 ngut ki para wa yah kari kamai kiwa em hapoh ka Association heiwa da yoh kamwa 10 kilo u khoo wa chi kilo u piat samen wei nalor ki para wa yah kari, da yoh leh wow e sñiawbha cha kitu ki manyung wa dooh.
Ha chwa wow saam ya ini i e sñiawbha, da yoh ya i klam yahkhmat wa i duwai na uwa e buit ka seiñ u DL Rymbai. Ha kani ka yalang wa tbian da emlang u Jespar Bareh, Waheh Chnong ka Lad Rymbai B, U Elias Dkhar, Secretary ka seiñ wa u Deibormi Rymbai, Secretary ka Dong Moopyniein.
“Ini toh i pyrchang wa khian yong nga katwa ye i bor wow yarap wei u pteiñ ya ki kaam wyrai kawa man leh ka thong yong ka seiñ wow yarap para bru,” da ong u Happy.
Ka seiñ da pynsñiaw ko leh ya i sñiawngooh ya u Deputy Commissioner yong ka East Jaiñtia Hills District uwa da e bor wow pyndep ya ini i thmu wei neiliang ka seiñ smat ko wow ya krehlang wa ki bor District la ha kiwon kiwon ki rukom leh kam wa jooh leh waroh chi kattu.
Discussion about this post