Jowai: Ka seiñ All Hynñiewtrep People United Front (AHPUF), ha ka khubor wa da phah da u President ka seiñ u John Phawa da e khublei kyrpang wa i sñiawngooh ya ki bor Distinct wa chimkhia ki wow chna wei wow pynkhooid ya ka nan Kasari kawa em ha pyrdi ka chnong Jowai.
Ka seiñ toh kawa da dep thoh cha u DC ka West Jaiñtia Hills chaphang i joor i jakhlia kani ka nan la kamwa chi snem wei da yoh katni u sakhi wow pynkhooid ya kani ka nan.
Ka seiñ da e khublei kyrpang ko leh ya ka Kur Dkhar wa da e kyllooid ki ya kani ka nan cha ka chnong Jowai wei da chimkhia ki wow pynneh pynsah ya ki dieñkjat wa da booh u longchwa manchwa.
Katkam wa pyntip ka seiñ wa da yoh na u Khroo Dkhar uwi na ki dkhot ka seiñ kur Dkhar ha i jooh i por kam uwa pait ya kani ka nan kawa em leh ki thaw chong ke, da pyntip u wa ya ka luti lai kjat wa em ha kani ka Park da chna da ka tnat PWD wei da yarap poisa ka tnat Forest wow pynyoh poisa wow pynkhooid ya kani ka nan.
Ka seiñ da kyntu ko ya ki tnat sorkar wa ya u DC wa ya ki seiñ kur Dkhar wa kani ka pynkhooid wow chna ym toh u man ko kawa pyndep rukom toh u pteiñ ko yow man kawi ka nan kawa khooid wa suba.
Discussion about this post