Yaroh ka AJSU-Nartiang Circle ya ki pulit wa da kem ki ya uwa dai drugs wa chyrkhei

Jowai: Ka seiñ AJSU-Nartiang Circle da yaroh ko ya ki pulit wa kem ki ya uwa khayi drug wa chyrkhei na Nartiang uwa tip kam u Salin Nongtdu.

Ka seiñ da ong ko wa da jooh maham ko ya u Salin Nongtdu uwa da jooh dai drug hapoh ka thaaiñ wei kamjooh leh ha waroh ka ri-loom Jaiñtia.

Ka seiñ da pynsñiaw ko yei kmen ya i chimkhia ki Pulit wei da kyntu wymhoi u pynlait ya oo khlem ki kyndon wa khor. Daw booddien ko leh ya ini i kaam wei em ko leh kiwa sakhi ya iwa leh u Salin hapoh ka chnong ka thaw.

Ka seiñ da maham joor ko leh ya kiwi tawon kiwa wan dai Dendrite, Drug, Bhang haka thaaiñ wei lada chem, neiliang ka seiñ daw leh ko katkam ki kyndon ka seiñ, wei dawa ko leh wa neiliang ki pulit ymtoh u yoh kam kini ki bru u lait khlem em ki kyndon wa khia, wei lada jia wa yoh suk ki u mih, neliang ka seiñ ym em ko i kitkhlieh iwon iwon wa jia ya ki neini chakhmat.