Jowai : Ka chnong Kyndongtuber da pynsñiaw ko yei sñiawkmen sñiaw sarong wa ye u Berister Swer u rah yei burom ya ka skur Government Boys’ Higher Secondary School, Jowai ha kani ka HSSLC kamjooh ya ka chnong yong oo ka Kyndongtuber deiwa yoh ya ka kyrdan wa ar hapoh ka jylla ha ka exam wa da pyllai da ka MBOSE.
Kiwa chong chnong da pyntip wa u Berister man u khynnah wa minot wei yomtoh uwa uiñ pyllut por cha wah cha neiñ wei ym jooh em leh u mih iwon iwon iwa sih chaphang yong oo.
Heipor wa dang lai skur u ha Kyndongtuber jooh yarap sikai u ya kiwi ki khynnah puræ khamtam ha ki subject Maths wa ka Science. Ka chnong da ong ko wa da yoh sakhiat u i jabieñ wa kyrpang tangwa ym em yooluti wa daw yoh u hadooh ka kyrdan wa ar.
U Berister toh uwa wan naka yung wa dooh heiwa u pa yong oo u Tynde u ma Chemphang Dhar toh uwa yah kari wei uwa ym toh uwa lai skur, da khlad u leh ynnin u snem. Ka bei u Berister ka kong Ribiang Swer toh ka wa mylla wei dai tiar supria ko cha yaw cha hat wei ym em man ko kawa biang i puræ puthi.
Ka chnong da pynkit bok kit nasib ko ya u Barister heiyatoh wa ki thong ki yong oo ha i puræ puthi.
Discussion about this post