Ka Sein FKJGP East Jaiñtia Hills District Khliehriat da e ko yei yaroh ya ka chnat krehkaam yong ki pulit wa kynthup ya ka Crime Scene Unit hapoh District wa da ye ki u booddien yei chah tynyap ka khynnah skur ka (L) Ebamon Siangshai heiwa da yoh kem ya uwa suba tynyap ya ka.
U Joint Secretary ka seiñ u J. Bamon ha ka kyrwoh khubor, da ong u wa ka seiñ chim ko leh ya ka laad wow pynkynmoo yei jia wa sñiawsih ya kawi ka khynnah kawa tip kam ka (L) Mantipki Langstang wa chah tynyap ha Sohkymphor ha u bnai Kmaichonglad wa da dep u snem 2020 ha ki bru thrang snam kiwa da chim yei mynsiem wa lui lui kani ka khynnah.
Da ong leh wa ki pulit yong ka District emkam u pynyoo ki yei stat yong ki deiwa booddien ki hadooh wow yoh kem ya kiwa tynyap dusmon ya katai ka khynnah skur ka wym pu yoh yei hok yong ka khnang wa kiwa leh kam sih u yoh ki yei pynshitom katkam i leh yong ki, ong ka khubor na ka seiñ.
