Ka JNC Wapung Circle lyngba ka kyrwoh na u Distar Dkhar, Vice President da e yaroh ki ya ki pulit ka Ladrymbai Outpost wa lyngba i stat i chemphang i yong ki da yoh ki wow kem noh ya u damok uwa chim yei mynsien yong kawi ka manbei kawa na Wapung Chnong kawa tip pyrtuid kam ka Lita Ryngkhlem.
Ka JNC Wapung Circle da e ko leh yei yaroh ya ki VDP ka chnong Mookhep wa lyngba i kem ki ya uni u damok wa tip kam u Monkiru Chyrmang wei hadien wa da e kti noh ya oo cha ki pulit ka Ladrymbai Outpost wei lyngba i stat ki pulit wow takit da phla uni u bru wa toh oo wa tynyap ya Lita Ryngkhlem wei katni won da e kti cha ki Women’s Police ka Khliehriat yow leh yeiwa emkaam.
Neiliang ka seiñ da kyrpaad ko ya ki bor yong ka aiñ wow leh deiwa eh ya uni u damok khnang wa kiwi leh kiwa thmu wow leh ya kam kini ki jait kaam wow pyrkhat ki leh chiphaw sien chwa.
Khaddooh ka seiñ da phah ko yaka kyrwoh wa toh u tip bha u burom wei maya ya ki kynthai wei khamtam ki manbei wei ymtoh wow chim yei mynsien ki wei ka seiñ da beiñ joor ko ya kam kini ki damok wa sah wa chong hapyrdi yong i wa da pynsih dur yaka imlang sahlang.
Discussion about this post