Jowai : Ka seiñ Meghalaya Peoples’ United Front (MPUF) da yaroh ko ya ka Jaintia Students’ Union wei da e ko i kyrchaan wa pura ya ka JSU hei yatoh wa ka NEHU Campus ha Wahiajer neibhah wa man ko leh ka phang kawa emkaam bha hakhmat ka ri wa ka jaidbru.
Ka MPUF ha ka khubor wa da pyllait da ong ko wa ha ka 11 Naiynru 2013 ka seiñ da yaklam ko wa u Waheh Chnong ka Wahiajier wow e yei thaw yow chna ya kani ka campus wei ka chnong dei mynsien wa khia da e mynkna ko yei thaw ha ka 14 Naiynru 2013.
Ka seiñ da phah ko leh ya ka dorkhat cha u MP ka Shillong u ma Vincent H. Pala wow tuklar u yeini wei heijooh i por ka seiñ ha ka 22 Naitung 2015 da yachem ko ya u President ka BJP u Amit Shah ryngkat wa ka dorkhat hajrong kani ka jooh ka phang.
Neiliang ka seiñ da ong ko leh wa lada emkaam wow yaklam yeini daw lai ko chadooh Delhi yow yachem wa u montri ka HRD khnang wa ki khynroo khyllood u myntoi ki chiboon neini.
Kamtæ ka seiñ da e yaroh ko ya ka JSU wa da chimkhia ko leh yeini neibhah wa kam ki seiñ emkaam u e mynsien wei wow e i yaroh iwi ya uwi.
Discussion about this post