Ka ri United States of America (USA) lyngba ka Embassy yong ka cha India da pynsñiaw ko yei mynsien sñiawkhia wei wyrai ya ki chipai ka ri (India) kiwa da khlaad hei yakhun pyrchah ya ki chipai ka China wa tip leh kam ki People’s Liberation Army (PLA) ha Galwan Valley wa em ha Ladakh deiwa yaroh leh yei mynsien wa chlur ki chipai ka India ha kani ka kynti.
Neiliang ka US Embassy cha India da ong ko wa ini i chlur kini ki chipai ymye de wow mylliñ ya ki.
Da phah ko leh yei khubor sñiaw wyrai cha ki manyung ki chipai kiwa da khlaad ha i awri wa mih ha Galwan Valley.
Neiliang u Mike Pompeo uwa man u State Secretary ka USA da phah u ya ka wyrta sñiawlem cha ki manyung wa da khlaad deiwa ong leh wa ini i mynsien yong kini ki chipai ymye wow mylliñ ya ki.
Kam wow pynkynmoo heini, ha i miet ka 15 tarik uni u bnai da khlaad 20 ngut ki chipai ka Indian Army ha Galwan Valley hadien wa mih i yachoh yadat hapyrdi ki chipai ki ar ri neidaw i kajia pood.
Kam wow pynkynmoo heini, neiliang ka India da kam ko wa da khlaad kamwa 43 ngut ki chipai ka China ha kani ka miet katwa ki bor chipai (Intelligence) ka USA won da kam ki wa da khlaad 35 ngut ki chipai ka China ha ini i awri.
Ynnin ka sngi ki heh chipai ki ar liang da chong yaklam ki wow pynbait yeini i kaam wei wow wanrah biang yei chongsuk.
