Ka Meghalaya toh ka jylla wa boon ki manbei jooh chem chitom bha ki hawa pun wei kha khon iwa ktah ya ki wow yoh ya ki dawai wa i sumaar katkam ka juk wa katni neidaw i long i man ki thaw ki bhaw tangwa ka sorkar da chimkhia bha ko yeini deiwa sdang u e kyrchaan ya ki chnong wa kiwi heiyatoh wa ini.
Heiyatoh wa ini, da sdang ya kawi ka thong kawa tip kam ka MOTHER da ka sorkar heiwa u Shombi Sharp uwa man u UN Resident Coordinator for India wa kiwa kreh yong oo da wan pait ki ya ka Mawtawar SC/HWC (Health and Wellness Center) wa em ha East Khasi Hills ha ka 7 tarik uni u bnai hei emlang u Sampath Kumar wa man kam u Principal Secretary ka Health & Family Welfare ka jylla, ka R.M. Kurbah, Deputy Commissioner ka East Khasi Hills wa kiwi kiwi.
Hapoh i yahkhmat u Montri Rangbah ka jylla, u Conrad K Sangma, da wanrah chiboon ki thong krehkaam kam ka MOTHER, ka CM-SMS wow pyntikna wa ki manbei man ki kiwa chait wa khlan heiwa ka Meghalaya leh da man ko ka jylla wa nyngkong wow pynkrehkaam ya ka Early Childhood Development Mission (ECD) wow pyntikna wa lait ki khynnah u duna baam.
Ka sorkar Meghalaya ha ka thong wow pynduna yei yap ki khonboo wa dang kha kamjooh ki manbei wa kha khon (IMR wa MMR) ha ka jylla, da sdang ko ya ka MOTHER Project wow yada ya ki manbei wa ya ki khonboo. Ka MOTHER iwa mut Measurable Outcomes in Transforming Health lyngba i pynkupbor ya ki manbei wei ka mat wa khroo toh wow pyntikna wa wan langær ki cha ki thaw sumaar.
Hawa e yei klam, u Shombi Sharp da sñiawkmen u wow yoo ya ki thaw sumaar ha Meghalaya, deiwa yaroh ya i mynsien kreh u Montri Rangbah ka jylla wa kani ka MOTHER kawa pynkrehkaam da ka App wow pynsuk ya ki manbei wow poi cha ki thaw sumaar khamtam chwa wow sooh-khon wa i por kha khon.
Da yoo wa nachwa em hadooh 20% khlaad ki khonboo heipor wa kha wei man iwa sñiawkhia katwa kamtæ da sdang ya kani wei i chakri da pteiñ won katni da ka SAVE MOTHERS ya kiwa daw manbei wei ha kani ki thaw sumaar la chi snem da chem wym em i khlaad ki khonboo ha ki thaw sumaar wei ki manbei leh man ki kiwa chait wa khlan.
Wow pyntikna wa ka mynried man ko kawa chait wa khlan, ka sorkar da yaleh ko wow pynjanai ya ki thaw sumaar khamtam ya ki manbei wa ki khonboo wei deiwa yoo wa ka ka Chief Minister’s Safe Motherhood Scheme (CM-SMS) man ko kawa jop da yieñ skem wow pynkhlan chooh ya ka.
Chooh chooh kam chibynta ka CM-SMS, da booh ya ki Transit Homes wa ki kari wow kit ya ki manbei wa pun-khon wa emkaam sumaar jhan yow yoh thaw sah ki hajan ki thaw kha khon.
Da em hadooh 2.2 lak ngut hadooh katni kiwa myntoi wei da em leh 80 tam ki Transit Home wa 150 tylli ki kari wa da booh ha ki PHC/CHC waroh 24 x7 wow pynkit ya kiwa pun-khon dei mynkna na ki chnong cha ki PHC/CHC khnang wow pyntikna yei kha khon ha thaw sumaar.
