U Union Minister of State (Independent Charge) uwa pait yaka Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh da yaroh u ya ki jylla ka North East kiwa da leh bha hei wow kdoh u khoom ya u COVID-19, kiwa da yoh yei yaroh naki jar jiar ki jylla kamjooh ka imlang sahlang waroh. Wei yeini da ong u hadien wa da dep wow leh yaka sorjamin (Survey) ha waroh kawi ka ri iwa leh da ki Agency kiwa da pynsakhiat ya ini, da ong u.
U DoNER Minister da pait u leh ya ini hadien wa wan u Health Minister ka Meghalaya u A L Hek yow yaklam heiyatoh wa u COVID.
U Dr. Jitendra Singh da yaroh u leh yaka sorkar Meghalaya wa kiwi ki jylla kiwa da chim yaki laad ki luti wow yada nadooh wa sdang yow pyntkut yei poor uni u khñiang nadooh wa sdang kamjooh yow pynkhlan yaka laad sumaar. Da ong u wa iwa ye ki u leh heipor wa em ka Lockdown heiwa aw jan waroh 5 na ki 8 tylli ki jylla ka North East da lait ki na uni u khñiang wei da sdang ki bru wow yoh du hadien wa da chah biang yei lai i wan ki bru.
U Dr. Jitendra Singh da ong u leh wa hawa sdang kam wow yarap, da e T. 25 klur cha ki jylla ka North East yow pynkhreh ki chwa ka Lockdown, wei ki jylla ka North East leh da smat ki wow leh ya kiwa emkaam, kamtæ da tyrwa wa ha ki 3 tylli ki jylla ha North East wa daw booh yaki Infectious Disease Hospitals yow yada neiwa em biang kam ini i jia.
