Ka Balang Presbyterian Dkhiah kawa da pdiang wow pynman yaka yaseiñ KJP Synod Mihngi 2020 kawa da dep pynman nadooh ka 12 tarik hadooh ka 15 tarik uni u bnai da man ko kawa lai bait lai ryntih heiwa da antaad da wan kamwa 2 lak ngut ki bru ha kani ka chnong wa khian.
Hajrong ini, neiliang u MDC ka Musniang-Rngad u Phasmon Dkhar da yaroh u yaka chnong Dkhiah West kamjooh yaka Balang wa ye ki u pdiang yaka Synod kawa man kawa da pynlai bait lai ryntih kawa man leh kam ka nongmuna ya kiwi ki chnong wa manda em ka mon ka ya tylli wa i ya krehlang em ka laad.
Da ong u leh hanla kani ka chnong em ko du kamwa 140 tylli ki yung tangwa deiwa sbun wei kyllooid mynsien yong kiwa chong chnong deiwa ya krehlang wa ki para jan chnong da ye wow pyndap yeiwa emkaam kiwa wan yaseiñ nadooh i thaw pynyieñ kari wa kiwi kiwi, wei i rukom pdiang ya kiwa wan man i iwa yoosuk u pait wei iwa e mynsien ya kiwi ki chnong wa khian u pdiang ya kam kani ka lympung niam yong ka Balang Presbyterian wa kiwi leh kamjooh.
Discussion about this post