Yaroh u Prestone yei pynlait ka KSU Delhi Unit ya boon tylli ki mynsien nei maa | Kyntu u ya ki Khasi wa Garo wow yaklam hawa em cha baar

U Symbood Montri Rangbah ka jylla, u Prestone Tynsong da yaroh u ya ka Khasi Students Union (KSU) Delhi Unit kawa da ye u pynlait im ya chiboon ki mynsien wa kordor na kti yong ki damok kiwa thmu wow leh sih ya ki khynroo khyllood Khasi.

Ini i klam u Prestone toh yow pynsñiaw yei sñiawngooh ya ki dkhot ka KSU Delhi Unit kiwa da ye wow e yada ya ki kynthai Khasi man-i-por hawa maad ki yei eh, hawa chah pynbiej ha ki damok deiwa kular e kreh wa kiwi kiwi de ki kaam.

U Prestone da klam u kini ki kyntien kam u kongsan ha ka yakob Mr & Ms Hynniewtrep kawa pynman da ka KSU Delhi Unit ha Meghalaya House, Dr. APJ Abdul Kalam Road, New Delhi.

U Symbood Montri Rangbah da ong u wa ym duna ya ka 15 sien wa ka KSU da yoh ko wow pynlait wei yarap ya ka ki mynsien wa kordor na Meghalaya, kiwa dapoi wow thooh kaam thooh jaam, tangwa chah yah ki cha ki thaw ki kaam wym biang heiwa da boon kiwa da maad yeini tangwa da yoh yada ki na kani ka Unit ka KSU.

Related posts

Ym em aiñ ha Meghalaya wa chah wow e wai da ki kari Private

June 16, 2025

Chah kem 5 ngut kiwa noh doh masi hajan i Mandir

June 16, 2025

U Prestone da kular u wa ka sorkar daw e ko yei kyrchaan wa pura ya kini ki kaam bah yong ka KSU, heiwa da ong u leh wa kiwa yahkhmat ka KSU ha kylleiñ ki jylla ka ri ymtoh wow artatien ki wow Phone ya ka sorkar, ya u Montri Rangbah næ u Symbood Montri Rangbah, neibhah wa ka sorkar ka kreh ko neibynta i e chakri wei yada ya ki paidbah ka jylla.

Ha iwi won i liang u Prestone Tynsong da pynsñiaw u yei wym sñiawsuk hawa ki para Khasi wa para Garo ym bien ki wow yaklam uwi ya uwi hawa em ki cha baar.