Yatylli i khlem piah ka chnong Nangbah kamwa kam u Shemhok Garod: Waheh Chnong

Hei janmiet ka 20 tarik, ka Dorbar Chnong Nangbah hapoh i yahkhmat u waheh chnong u Tonroy Iongwai wa ki dkhot ka Executive Committee kamjooh wa ki dkhot ka chnong hawa klam wa kiwa pathai khubor da pynche u hajrong i pynbaad u kyrtong ka PDF na Raliang Constituency, u Shemhok Garod wa da piah ka chnong Nangbah. 

U Tonroy da ong u neiliang u Shemhok Garok da pynbaad u wa ha ka yalang wa da pynman ha ka 19 tarik u Khonchonglad (November) 2022 wa da leh chiliang wei da lehbor ka Dorbar Chnong Pyllun ha ka yalang wei ka chnong Nangbah da piah ko arliang. 

Neiliang u Tonroy da pynche u deiwa ong wa ka Dorbar Chnong jooh pynman ko ya ki yalang waphær waphær heiyatoh wa ki kaam chongsuk wa ki kaam pynroi wei ym jooh leh embor ko heiwon iwon leh wei ym jooh pait khmat ko ya kiwon kiwon leh.

U Tonroy da ong u leh wa ka dorbar jooh pdiang ko ya i rai yong kiwa boon walang wei ini i pynbaad u Shemhok toh iwa khlem yurim. 

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka yalang bah ka Dorbar Chnong da chim ko ya ka rai wow kyrchaan ya u Lakhon Biam wa man kam u MDC ka JHADC wow yakhun u ya ka MLA Election neibynta u 2023 na ka chnong Nangbah wow yaleh na Raliang Constituency. 

Da ong u leh wa ka Dorbar Chnong kyrpaad ko ya kiwon kiwon kiwa ap ya ki jait pynbaad wow kyntait ya ki wut wut. 

Kamjooh leh da ong u wa heiyatoh wa ki yalang paidbah emkaam ki u yohbor na ka Dorbar Chnong waroh kawi.