Yatyngkhooh le tylli ki kari heijooh i por

Jowai : Ynne i sngi ka 23 tarik heipor kamwa 11 waje i step da yatyrrah le tylli ki kari heijooh i por ha u surokbah NH 44 hawah ka Challam Syngkon Petrol Pump.

Kini ki kari kynthup ya ka Maruti 800 wa em yow number ML 04 B 7212 kawa man ka kari kamai, ka Alto 800 wa em yow number Ml 04 C 1101 kawa man leh ka kari kamai wa ka Maruti Swift wa em yow number ML 05 F 4457 kawa man ka kari samen (private).

Neiliang ki pulit da pyntip ki wa ka Alto 800 wa ka Maruti 800 toh kiwa hiar chaliang Shillong katwa ka Maruti Swift won thmu ko u wan cha Jowai. Kiwa sakhi da ong ki wa ka Alto 800 da sangeh ko syndet syndet katwa ka Maruti 800 kawa bood nadien yow lait ko u tyrrah ya ka Alto da dong ko cha timun heini i por da wan syndet ka Swift naliang Shillong heiwa da yatyngkhooh ki mam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heini i jia soo ngut da mynsoo ki malum male kiwa kynthup ya ka kynthai wa u wayah yong ka Maruti 800 heiwa ka kynthai da tyngkhooh ko ha u steering. Hapoh ka Swift wa chong u tre wa uwa yah da takha ki malum malæ na khlieh wa na khliehkyrsu.

Da kit ya ki bak bak cha Dr. Norman Tunnel Hospital yow yoh ki yei sumar.

Neiliang ki pulit da kyntu ki ya ka paidbah wow pyndait yow seat belt yow lait nei mynsoo.