Jowai: Ynne ka sngi heipor kamwa 11 waje i step ha Mookyndur (Dongrachi) ha u sarok bah NH-44 le tylli ki truck heh da yatyrrah ki kiwa em number AS01 FC 9595 wa yah u Mebadonlang Mukhim na Mawryngkneng, ka truck wa em number AS 01 EG 8124 kiwa 12 chaka wa kawi ka Truck Trailer wa em ya u number NL 01 8384 wa yah da u Niranjan Deb na Bhubanchara, Tripura.
Ki 12 chaka toh kiwa lai chei liang Shillong heiwa ka truck wa em ya u number AS 01 FC 9595 da em ko ha khmat ka truck wa em ya u number AS 01 EG 8124 wei kani ka truck manda poi ko ha Mookyndur-Dongrachi da sih u brake ko wei katwa man i thaw wa pynnoh kamtæ da pyrchang ko wow chim pass ya ka truck wa em ha khmat yong ka tangwa heini i por da wan sa kawi ka truck trailer kawa wan par pyrchah wei ka truck wa mut u chim pass da tyrrah ko ya ka.
Kamtæ u wa yah ya ka truck neidaw wa sih u brake da mynsoo joor u wei da pynman ko leh ya ka sah kut ki kari wa joor bha ha ini thaw.
Du hadien wa ye u kyrriah ya kawi ka truck wa em ya u number AS 01 FC 9595 da ye u pylliat kari chiliang wei ki artylli ki truck dang sah ki hajooh.
Discussion about this post