Jowai : Ynne i step da em i yatyrrah ki ar tylli ki truck ha Riatturiem ha u sarok Jowai-Shillong heiwa kawi ka truck wa em u No. As 09 C 3972 kawa kit khyndaw Clinker da chah tyrrah ko nadien ha kawi ka truck wa em ya u number UP 21 AN 4190 uwa yah da u Md. Hanif uwa na ka jylla Uttar Pradesh hadooh wa kylla ko dei chrooh.
Ha ini i jia da em uwi uwa da yap neidaw wa mynsoo joor ware u uwa tip pyrtuid ka u Dimus Taraing na Mynsngad uwa dang chna ya ka truck wei da chah ban u ha ka heipor wa kylla ko. Da ong wa kini ki truck toh kiwa wan naki thaiñ Loomchnong wei ku ki cha liang Guwahati.
Hadien wa kylla kani ka truck wa chah tyrrah nadien da em i sah block ki kari dei yong kynta heiwa ki pulit pyllai kari da yaleh ki katwa ye u kyrriah ya kini ki truck da ki kari khwe yow suk i lai i wan ki paidbah.
Neiliang u Wyrta daw wanrah chooh u yaphi yaka khubor heiyatoh weini.
Discussion about this post