Jowai : Ka sorkar India nadooh wa pyndam ko ya ka poisa T. 500 wa T. 1000 da sdang won ko yow pynchlur ya ka juk stat sayan wa katni kawa tip kam ki Digital Money Transfer yow thied wei wow su ya ki bill wa kiwi kiwi wa emkaam ki man ka sngi lynga ki Debit Card/Credit Card wa ki eWallet.
Toh u ya pait ki wa lada ini iwa ye u man sakhiat namo i wym ye deiwa chim ya katkam wa man sakhiat hapoh ka ri India.
98 % toh kiwa pynemkaam da ka poisa
Ha India i su ya waroh yeiwa emkaam ki bru toh da ka poisa hi kawa pynemkaam kamwa 98 % hapoh India katwa iwa pynemkaam da ki Debit Card/Credit Card, eWallet man ko du 2% donhi.
Duna ki aiñ Cyber Security
I duna ki aiñ Cyber Security ki wow yada ya ki paidbah lada chah tooh ka poisa deiwa chah hack ki account ki man ko kawa maa bha ya ki bru. Pyn ha uni u snem chwa wow pyndam ya ka poisa T. 500 wa T. 1000 kamwa 32 lak tylli ki PIN ki Debit Card da chah tooh ki hadooh wa haap phah pynuiñ noh ya waroh ki card cha ki bank.
Duna ka speed ka Internet wei ym yoh kat cha wa lai
Ki Broadband Internet Connection toh kiwa dang duna wa poi ki cha waroh ki chnong ki thaw.
Ha India kawa em kamwa 350 million ki bru wa pynemkaam Internet cha kiwa boon ki thaw lait na ki sor, i speed toh du 512 kbps heiwa ha waroh ka pyrthai yoh ki hadooh 5 Mbps i Speed. Ka average internet speed ka India toh 2.8Mbps
Chimpor leh hadooh 5.5 Second wow load ka wi ka Page lada nujor wa ka China wa chimpor du 2.6 Second.
Dang duna wa pynemkam ya ka Technology yong ki bank
Hanlada ka India man ko ka wa ar wa boon dooh kiwa pynemkaam smartphone ha pyrthai tangwa ini man i du 20% donhi ki bru wa em hapoh ka ri.
Katkam ka report da ka IndiaSpend, du 27% donhi ki bru wa yoh internet hapooh India iwa duna bar ya ki ri kam ka Ghana, Nigeria wa ka Indonesia.
Ha India na ki 833 million ngut ki bru wa im cha ki thaiñ nongkyndong du 108 million donhi wa yoh internet iwa mut du 13%.
Syad ki kor wow pynemkaam da ki Card
Ki kor kam ki PoS hadooh ki kor Finger Print Readers wa pynemkaam da u AADHAR yow su, toh kiwa syad wow pynemkaam cha ki dukan wa khian wa nai.
Ki Smartphone toh kiwi na ki laad wow pynchlur ya ki paidbah wow pynemkaam ya ka Internet Banking, eWallet wa kiwi kiwi tangwa hapoh ka ri em du 17 % donhi kiwa em ya ki.
Katkam ka data.gov.in, 21.92% ki bru hapoh India im ki hapoh u Poverty Line, 25 % toh kiwa im cha nongkyndong katwa cha ki sorbah won toh 13.70 %.
Dang boon ki bru wym tip u thoh u taar
Katkam ka 2011 census, India em ko 73% ki bru kiwa da tip u puræ wei wow thoh hanlada kattæ leh boon ki bru kiwa da heh kiwa da khih da khan toh kiwa ym tip u puræ puthi.
Kamtæ yow sñiawthooh ya ka juk i stat sayan wa katni daw chimpor, hadooh wa kiwa da stat da tip leh kiwa da heh dang tein ki ka Technology wa katni.
Discussion about this post