Jowai : Ka District Level Price Monitoring Committee kawa pait yei rukom ku dor hiar dor ki mar hapoh ka West Jaiñtia Hills District da pynman ki ya ka yalang ynne ka sngi hapoh ka Conference Room DC Office hapoh i yahkhmat u D.M. Wallang, Additional Deputy Commissioner, West Jaiñtia Hills District, Jowai.
Ha kani ka yalang da yaklam ya ki dor yong ki mar wa boon nadooh ki jhoor, kiwa daicha, doh sniang, doh masi wa kiwi kiwi.
Ha kani ka yalang da rai wa yei doh Masi u man i T. 240 chi kilo deilang wa i chyieñ katwa khlem chyieñ won toh T. 300 chi kilo. I doh sniang won toh T. 260 chi kilo.
Ki dkhot ka wa em ha kani ka sngi leh da kyntu ki ya ki bor District wa ka tnat Supply wow li psiah ki cha ki dukan wa ki yaaw khamtam ha kini ki por wa chim kabu kiwa dai syiar pnar deiwa pynku dor ya ki chawa palat deiwa pynman ya i yasylli wa syndet syndet neibynta i bha ki paidbah khamtam ha ki por lehkmen kamni.
Discussion about this post