Ki pulit ka Bengaluru da yoh ki wow kem ya le ngut kiwa emkti wow lute ya ka kari wa lai pyndap poisa ha ki kor ATM heiwa da chah tooh hadooh Rs. 5.76 klur deiwa pyndur ki kam kiwa kreh sorkar wei ini i yoh kem man ko hapoh 60 kynta nadooh wa jia.
Ini da jia i ha ka 19 tarik wei kani ka kari toh ka yong ka CMS wei da kit ko ya ka poisa wa Rs. 7.11 klur heiwa ki pulit da suba ki wa em i ya krehlang da ki bru wa kreh wa kani hi ka Company.
Ha katai ka sngi heipor kamwa 12:48 kani ka kari ka CMS da pynsangeh ka hajan ka Ashoka Pillar-Jayanagar Dairy Circle da kini ki bru wa kam toh kiwa kreh ka RBI kiwa da pynyang suloi ya kini kiwa yah kari heiwa da tooh ki ya ki synduk poisa heipor 1:16 i sngi.
Hei takit ki pulit da chem wa uwi u bru uwa kreh ya ka CMS Company uwa pait ya ki luti wa lai ka kari da khana u ya kini kiwi won kiwa bood ya kani ka kari kiwa da pynsangeh wei lute ka.
Kini kiwa emkti da pynkhreh wei da sooh buit ki la le bnai deiwa pyrkhat da kawon ka luti wei heiwon i thaw wym em CCTV wei da pynemkaam ki boon tylli ki kari kiwa da kylliang Number ki chibet deiwi chibet deiwi wei ym em pynemkaam Mobile Phone ki.
Ki pulit da suba ki wa da em 6-8 ngut kiwa emkti wow leh yeini i kaam wei waroh kiwa da yoh kem toh kiwa na Bengaluru.
Ki pulit da chem ki leh ya ki synduk poisa wa cha tooh tangwa ym pu bien ki wow khana bniah neibhah ka takit dang lai ko chakhmat.
Discussion about this post