U Symbood Montri Rangbah ka jylla wa pait ya ki kaam Pohyung, u Prestone Tynsong da ong u wa u chipai BSF uwa da siat yap ya u Roning Nongkynrih ye u wow chah beh syndon nei kaam manda chah rai pynrem.
Kam wow pynkynmoo wa uwi u bru wa tip kam u Roning Nongkynrih uwa 35 snem i rta, da khlaad u hapoh ka Truck wa yah u hadien wa chah siat ha ki chipai BSF ha ka chnong Mawshun iwa em marjan waka chnong Pomshutia, East Khasi Hills District, wei ini da jia ha ka miet yong ka 5 tarik u Naisan uni u snem.
Neiliang u Prestone da ong u wa i bichaar ya uni u chipai BSF dang lai i katni hapoh Kachari wei kamjooh da bichaar leh katkam ka kyndon krehkaam yong ki chipai, heiwa da ong kamwa man katni, uni u chipai da chah beh kreh u chipor, wei hadien wa ka Tribunal yong ki chipai da rai pynrem ye u chah beh syndon nei kreh.
Puræ leh: Chah siat yap uwa yah Truck ha ki BSF ha Mawshun wa suba kit masi
Discussion about this post