Ye u chah khang waroh ki Hotel hapoh Jowai

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Jowai : Ka National Green Tribunal (NGT) nadooh u snem 2015 da sdang ko u e hukum nyngkong cha ha ka jylla Odisha heiwa hadooh kamwa 903 tylli ki hotel kiwa kreh khlem yohbor na ka Odisha Pollution Control Board hei yatoh wa ka Air (Prevention and Control of Pollution) Act, 1981 wa ka Water (Prevention and Control of Pollution) Act, 197 da phah khang ko ya kini ki hotel lyngba ka State Pollution Control Board.

Ha ka kylla Odisha da e hukum ko wow ah nadooh ya ka bordiñ hadooh ya ki rukom saam umbaam cha kini ki Hotel.

Hadien ini won ha Delhi hadooh 70 tylli ki Hotel ha i thaw wa tip kam i Mahipalpur da chah khang ki ha ka hukum ka NGT.

I daw wa chah khang ki toh neidaw wa tyngkheiñ ki ya ki kyndon aiñ Section 21 Air (Prevention and Control of Pollution) Act, 1981 wa ka Section 25/26 yong ka Water (Prevention and Control of Pollution) Act, 1974.

Ki kyndon hei yatoh wa ka um da ong wa kiwon kiwon ki karkhana næ ki hotel ym ye ki u sdang khlem yohbor chwa na jar jiar na ki State Pollution Control Board kawa da khang wym hoi u pynmih ya ki jakhlia khlem pynkhooid (Treatment) chwa ya ki.

Heijooh i por leh haap pyntip ki leh cha ki Pollution Board ha chwa u saiñ thymme næ u chna thymme ki ya u dooid.

Hei yatoh won wa ka aiñ Section 21 yong ka Air (Prevention and Control of Pollution) Act, 1981 khamtam ya u toskhana da haap bood katkam ki kyndon kani ka aiñ.

Katkam ka khubor wa tikna wa yoh u WYRTA da ong wa kani hi ka jooh ka hukum u pynkhreh ya ka hapoh ka jylla Meghalaya heiwa ha Shillong, ha Jowai wa kiwi ki thaw daw chah khang ki Hotel wa krehkaam khlem yoh bor na ka Meghalaya State Pollution Control Board (MSPCB).

Katkam ka yutip wa yoh da ong wa boon ki Hotel ha Shillong ye ki u chah khang kamjooh leh ini ye i u jia hapoh ka West Jaiñtia Hills District.

Katkam wa man katni, u khang chwa ya ki Hotel ki wym bood ya ki kyndon na ka MSPCB kiwa em hapoh u pood u ang ka Municpal kiwa kynthup ya kiwa da yohbor tangwa ym em u bood ki kyndon wa da kadaw ka aiñ, wa kamjooh leh ya kiwa ym pu yoh bor na ka MSPCB.