Jowai : Katkam ka hukum na ka sorkar India lyngba ka tnat Finance Ministry da maham ko ya ki paidbah wow chah u thap ya ka yoisa kiwi (ka poisa tooh) ha ki account yong ki (tre account) hapoh kini ki 50 sngi wa da booh hadooh ka 30 u Kmaichonglad (December).
Kani ka hukum da mih ko hadien wa da em ki bru kiwa thap chiboon ka poisa yong ki ha ki account kiwi deiwa kular u bhah ya ka poisa namo u e nong ya ki ya ka bai thap.
Kam ini i leh tooh, leh rieh da chem ha kiwa pynemkaam ya ki Jan Dhan Yojna scheme, næ ka scheme wa sdang ka sorkar India dang ha kini ki snem heiwa ki bru ye ki u wai account khlem poisa leh.
Kiwa leh kamni ka sorkar u pynchitom ko ya ki katkam ki kyndon ka aiñ Income Tax Act.
Kiwa em ya ka account hapoh ka Jan Dhan Yojna ye ki u thap hadooh T. 50,000.
Da ong ka sorkar leh wa ya kiwa thap poisa hadooh T. 2.5 lak kam ki wakreh mylla, ki manbei wa kiwi kiwi ym chah ah ka poisa ki.
Discussion about this post