Hadien wa u MP ka NPP na Meghalaya, u Dr. WR Kharlukhi da pynbna u wow chongngiah noh na ki kaam saiñpyrthai, da mih i klam wow thung ya u montri warim ka jylla, u James PK Sangma kam u MP ka Rajya Sabha.
U James Sangma da rem u ya ka Election MLA ha u 2023 na Dadenggre ye u wow man kam u MP ka Rajya Sabha kam chibynta wow pynkhlan ya ka NPP ha Delhi.
U Dr. Kharlukhi, uwa jooh man leh kam u State President ka NPP da ong u wa da jan kynjoh u 70 snem i rta wei da toh u elaad noh ya kiwa dang khian i rta ha ki kaam saiñhima.
Hanlada ympu em u chim rai ka NPP deiyi u tyrwa ko wow man kam u MP na Meghalaya cha Rajya Sabha, tangwa da yooluti wa u James wow rap ya ka chuki u Kharlukhi.
Discussion about this post