Ye u khang ki karkhana khyndawbilat hadien wa pynkynmoo u Sajay ya ka hukum ka SC

Jowai : Uwi na ki bru samen uwa kreh wow yada ya ka bei rymaw u Sajay Laloo  ha kani ka 18 tarik uni u bnai da thoh u cha u Chief Secretary ka Jylla wa cha kiwi kiwi wow pynkynmoo ya ka sorkar chaphang ka hukum wa da pynmih ka Supreme Court ha kani ka 22 Thohlakhmi (February) 2017 ya kawa hadooh katni ka sorkar jylla ym em u leh ko iwon iwon leh.

Kani ka hukum kawa ong wa ki karkhana kiwa krehkaam hadien wa yohbor ki na Pollution Control Board ym chah de ya ki u krehkaam ki lada ym em ki ya ki thaw pynkhooid ya ki tngit næ ki jakhlia wa mih na ki ya kiwa tip leh kam ki Effluent Treatment Plant.

“Ka sorkar jylla toh u pynmih hukum namo u pyntip paidbah ko wow e por ko le bnai nadooh wa mih ka hukum ka Supreme Court wow bood ki karkhana ya kani ka hukum tangwa ka sorkar ym em u leh ko yeini hadooh katni” da ong u Sajay Laloo ha kani ka chithi.

Ye leh wow ong heini wa ki karkhana khamtam kiwa pynmih khyndawbilat hapoh ri-loom Jaiñtia ym em ki ya kam kini ki thaw pynkhooid tngit katkam wa da hukum ka Supreme Court kawa da pynkynmoo leh wa lada ki karkhana ym em ki ya kini ki thaw ye u pynchitom ya ki ha ki bor ka aiñ.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong chooh chooh u wa u Montri Rangbah ka jylla leh da pyntip u hapoh ka Assembly wa em palat 16 tylli ki karkhana ki wym em ya kam kini ki Effluent Treatment Plant hapoh ka jylla tangwa hadooh katni leh dang e laad bait ya ki wow krehkaam ki.

Kamtæ da kyntu u ya ka sorkar wow pynbna paidbah noh yeini wei lada kut ka le bnai wa da e ka Supreme Court (ka wow kut ha ka 21 Naisan 2017) lada chem wa kini ki karkhana ym em u krehkaam ki katkam kani ka hukum, ka sorkar da toh u khang noh ko ya kam kini ki karkhana wei wow ah noh ya ka bordiñ cha kini ki karkhana.