I kynroh ka Government Girls Higher Secondary School, Jowai iwa dadep oor chwa chi bynta ha ka 30-05-24 heipor wa joor u slap neidaw wa wan ka Cyclone Remal wei da ieh khlem da pynchna hadooh kattæ, kattæ da khreh wow oor sa i bynta wa dang yieñ iwa em ha i ini i jooh i thaw.
I bynta yong ini i kynroh wa dang yieñ kattæ da mih dei thlu na tre hadien wa da joor biang u slap ha kini ki sngi heiwa i bynta wa yabi ini i kynroh wa u chrot leh da kaad i.
Kamwa man kattæ u slap daw joor biang u wei ini i kynroh leh ye i wow oor wei ye leh wow ktah yei pynpoi umkor neibhah em uwi u Pipe wa heh wa kiwi ki Pipe khian wa boon na tre ini i kynroh.
Neiliang ka yung krehkaam u EE PWD South Division, Jowai da khang u wow lai ki kari heh na u sarok heiwa da pynyieñ leh da ka Signboard.
Discussion about this post