Shillong: Neidaw wa em u slap wa joor ha kini ki sngi wa dadep, ka um ha ka nan Umiam da ku ko cha ka 3205.14 ft hadooh ynne 11:00 waje i step.
Lada pteiñ i joor slap wei ka Umiam Dam ye ko wow chlai katwa kamtæ daw haap pynlait ya ka um na ka.
Kamtæ da kyntu ya ki bru wa sah wei kiwa kreh cha tre ka Dam wow man ki kiwa husiar wei kiwa syndong wei kamjooh leh wow jngai na ka wah Umiam, tangwa hanla kattæ leh daw yaleh u pynlait ya ka um na ka Dam wær pa wær.
Kani toh katkam ka Wyrta na u Chief Engineer (C), Hydro Planning & Hydro Construction, MePGCL.
