Jowai : Ki mat dawa yong ki 13 tylli ki seiñbhalang na ka sorkar wei khamtam na ki 7 ngut ki nongmihkhmat yong ka Ri Loom Jaintia wow kynriah noh yow Deputy Commissioner ka West Jaintia Hills u Arunkumar Kembhavi, u Addl SP u Ma Shemphang Syrti kamjooh ya ki pulit kiwa emkti hei yatoh wa i chah dat chah bom ki khynnah ka Kiang Nangbah Govt. College, Jowai ha ka 10 tarik uni u bnai nei bynta wow pynbor yaka sorkar wow e noh ko ya iwa da dawa wa kongsan kani ka thaw puræ.
I booh por wa 15 sngi yong ki seiñbhalang, ya ka sorkar wei kamjooh leh ya ki MLA ka Ri-Loom Jaiñtia wow kyrriah ya u DC, u Addl. SP wa kiwi kiwi kiwa emkti daw kut noh ko ha kani ka 30 tarik, kamtæ nei liang kini ki seiñbhalang daw yachem biang ki hadien kani ka sngi nyngkong.
Katkam ka khubor wa da pynlait da ki 13 tylli ki seiñ da ong wa ym ye ki u chong kli kti yeini i leh embor ki bor sorkar wa ki bor pulit wow yooh yei hok yei burom ki bru khamtam ya ki khynnah puræ ka KNGC.
Kamtæ ki seiñ da ong ki wa lada ym man kaam i dawa yong ki, ym chong kli kti hieh ki weiwa daw leh ki yeiwa emkaam wow pynmankaam yei dawa yong ki neibynta i bha i miat ka imlang sahlang.
Discussion about this post