Ye u wiar luti lada lai cha ki thaw wada naam ha ka chnong Nartiang

Jowai : Ka Nartiang toh ka chnong kawa da bna naam ha kylleiñ ka ri India kamjooh leh cha baar ri na ki Moopynyieñ, ki Mondir wa kiwi kiwi wei man ko ka chnong kawa riñ ya ki wa uiñsawari man ka sngi.

Ka sorkar khamtam ka tnat Tourism Department da leh kat wa ye wow pynmiat, wow pathai ya ka chnong Nartiang wei iyi em ha ka.

I leh ka sorkar wow pyntip paidbah chaphang yong ka man i iwa sepai lada ym em ki signboard kiwa kdaw luti kiwa khana chaphang kini ki thaw katwa ye wa tip.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Lada lai cha ka Durga Mondir ha kani ka chnong, ki wa lai ha ka sien nyngkong ye ki u wiar luti neibhah ym em u booh ya ki signboard harood sarok kiwa kdaw ya ka luti wow poi cha kani ka thaw.

Ym du kattæ ka signboard kawa khana wei kdaw ya ka luti wow lai cha ka Shiv Mondir kawa dang dep chna pynmiat leh ym em ko, iwa man i doohnong iwa khroo ya kiwa uiñke liang wanang.

Ha kani ka 16 tarik da yachem wa kiwa uiñke na Kanpur kiwa mut u lai cha Durga Mondir tangwa heithaw wow khlad na liang tidiang (wow poi cha mondir) da lai ki na timun, iwa mut da lai ki cha liang ka wah Myntang (ka Sarok wow poi cha chnong Nangbah).

Yooluti wa neini ka sorkar lyngba ka tnat Tourism u chimkhia ko wow booh wow pynyieñ noh da ki signboard kiwa kdaw luti wow poi cha kini ki thaw wa da naam kylleiñ.