Kam chibynta wow pynbait noh yei eh i khoo wa yatoh wa i jhep wa mih ha Jowai, ynne ka sngi u Chairman ka Jowai Municipal Board (JMB) u Lasooki Lakiang da yahkhmat u ya ki Market Committee waphær waphær wa em ha Jowai kam ka Yaaw Chor, Yaaw Chyiap, JHADC wa ki Waheh Chnong wow pait ya i rukom krehkaam ka Umpling Waste Recovery Unit.
Ha kani ka thaw ha Umpling da pynyoo kammon wa pynlang ya i jhep wei da pynyakhlaad hapyrdi iwa py’ut wa i wym py’ut. Ya i jhep wym py’ut da dai cha ki bru samen namo ki Scrap Dealers katwa yeiwa py’ut nawon ye u pynkylla sboh wow pynemkaam wei wot hadooh wow dai leh.
“Iwa miat bha ini i thaw toh wa ym em u mih i sma i tung wa kammon kammon leh, wei ya ini i jooh i rukom (Waste Recovery Unit) ye u leh ha Jowai kamjooh,” da ong u Lasooki Lakiang.
Hadien ini i lai pait ya kani ka thaw, kiwa mihkhmat ya ki Market Committee ynne ka sngi leh da kubur ki wa man iwa miat wow leh kamni ha Jowai deiwa booh ya ki Waste Recovery Unit wei ya ini i jooh daw rah wow yaphyllu yumut ha jar jiar ki Committee yong ki.
