Ym ap ka Principal yei ujor ki bei ki pa wa muaid uwa yah Bus hadooh wa khlaad 6 ngut ki khynnah

6 ngut ki khynnah da dooh ki yei mynsien wei boon ngut da mynsoo ki kiwa naka chnong Jhaadhli wa Dhanaunda wa em ha Mahendergarh District ka jylla Haryana kiwa lai skur Primary wa Secondary ha kawi ka skur ki bru samen hadien wa ka Bus wa chong ki da tyrrah ko ha uwi u dieñ neidaw wa muaid uwa yah iwa da jia hei step ka 11 tarik uni u bnai.

Iwa rap sñiaw sihlet toh wa ki bei ki pa kini ki khynnah kiwa na ka chnong Kheri da knieh ki ya u chabi na uni uwa yah Bus ha kani ka step wei da pyntip ki cha ka Principal ka skur wa da muaid u heipor wa wan thooh skur u ya ki khynnah.

Tangwa ka Principal da phah ko ya kini ki manbei manpa wow pynuiñ ya uni u chabi yow lait ki khynnah u slem skur wei da kular ko wa haka sngi wa bood daw booh da uwi uwa yah. Da pyntip ki leh wa da dep ujor ki da boon sien pyrchah ya uni uwa yah Bus.

Hapoh kani ka Bus da em 37 ngut ki khynnah kiwa lai skur ha GL Public School wei uni uwa yah Bus da tip kam u Dharmender uwa da chah kem wei hadien wa leh yaka Medical Examination da pyntikna wa muaid u wei da kem leh ya ka Principal ka skur, ka Deepti Rao deilang wa uwi u heh kani ka skur uwa tip kam u Hoshiar Singh.

Related posts

Waroh chimiet neh kiwa chongdai madan ha Khyndailad yow pyrchah yei chah kyrriah

November 24, 2024

Im biang u bru chwa u thang uwa da pynbna ki Doctor kam uwa da yap

November 23, 2024

Chooh chooh da chem wa kani ka Bus toh ka wym em Fitness Certificate kawa em Number HR-66A-7514, kawa da chah daiñ kuna ha ka yung krehkaam u DTO haka 13-03-23 wei ym em ko leh ka High Security Registration Plate wei da toh ko leh yaka kuna kawa Rs. 15,000.

Sa iwi wa da chem toh wa kani ka skur da pynman skur bait ko haka 11 tarik kawa man ka sngi chuti neibytna ka Id-Ul-Fitr.