Ym bien ka Law Commission wow pynkylla yei rta wa hoi u chong kurim hapoh 18 snem

Ka 22nd Law Commission hadien wa da yoh ko ka chithi naka High Court ka Karnataka (Dharwad Bench) kawa da phah ka 09-09-22 heiwa da ong ya ka Commission wow pyrkhat biang deiwi yei rta wow chah u chong kurim neidaw wa boon iwa jia heiwa da em ki kynthai kiwa da dap 16 snem kiwa da maya ya u chynrang wei da yut ki leh na yung wei da man noh ki kam ki chi kurim deiwa ya thiah ya dem lang tangwa u chynrang won da chah pynngat u hapoh ki kyndon ka aiñ Protection of Children from Sexual Offences Act, 2012 (“POCSO Act”) wei hapoh ka Indian Penal Code, 1860.

Ka Commission da yoh chithi ko leh na ka High Court ka Madhya Pradesh (Gwalior Bench), ha ka 19-04-23 heiwa kani ka yung bichaar da kdaw ko yei pynkrehkaam ya ka aiñ POCSO hei rukom man ko katni heiwa da chah pynbaad wa slaitbor hanla yei kaam da leh deiwa ya mynjur lang.

Da phah leh ya ka Commission wow tyrwa ko yei pynkylla ya ka aiñ POCSO Act deiwa e bor ya ki Special Judge wym toh u pait ki yei rta ka khynnah hawa e yei rai lada iwa jia toh deiwa leh dei mon heiwa dapoi leh chei ya bia lada em khon næ ym em khon leh.

Hadien wa da pait ya ki aiñ wa da em kiwa yada ya ki khynnah wa kiwa boon ki hukum wa da pynmih wei deiwa pyrkhat leh ya kiwa boon wa jia chah thombor ki khynnah, i chah rahbor ki khynnah wei chah pynbor wow dai yei doh i pran iwa da jia boon sien hapoh ka imlang sahlang, ka Commission da ong ko wa ymtoh iwa miat wow pynkylla yei rta wa chah u ya chong kurim katkam wa da em hapoh ka aiñ POCSO kawa da ong wa ka kynthai toh u man ko kawa da dap 18 snem.

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

Tangwa hadien wa da pyrkhat won ya kiwa boon ki daw wa ki buit wa da wanrah chakhmat, ka Commission da ong ko wa emkaam hi wow wanrah ya ki kattu katni ki kylla hapoh ka aiñ POCSO Act ha ki khep wa jia iwa dei yoh bor hanla ym chah da ka aiñ ya ki khynnah wa em 16 hadooh 18 snem. Neibhah lada jia wa da leh deiwa em i ya mynjur lang, ym emkaam wow pynchitom deiwa joor ya kiwa da chah pynngat hapoh ka aiñ POCSO.

Kamtæ ka Commission da ong ko wa biang hi wow booh ki kyndon wow yah luti kammon wow chim yei bichaar manda jia kam ini wa deiwa em i ya mynjur lang wei ini daw pyntikna wa em i yada leh yei hok ki khynnah.

Hajrong ini da phah ya ka Report No. 283 wa da e pyrtuid “Age of Consent under the Protection of Children from Sexual Offences Act, 2012” cha ka Ministry of Law & Justice, Department of Legal Affairs haka 27-09-2023.