Ka Meghalaya Football Association (MFA) ha ka kyrwoh wa da phah, da ong wa da tip yei em ki bru wa pynman ya ka Football League kiwa pynemkaam yei pyrtuid ka Thadlaskein Sports Association (TSA).
Ka MFA da ong ko wa ka Thadlaskein Sports Association toh kawa da dep chah beh (Suspend) da ka Meghalaya Football Association wei ym em de tipmit ya ka.
Kamtæ da ong wa kawon kawon ka Tournament næ ka League wa pynman da kani ka Association ym yoh ki yei tipmit naka Meghalaya Football Association.
Ka MFA da ong ko wa kattæ dang pyrchang ko wow ya pynkrehlang ya waroh kiwa emkti yow pynku pynheh ya ki kaam yalehbol ha ka thaaiñ Thadlaskein wei wow pynkhai im ya ka seiñ ka wow yoh yei tipmit naka MFA.
Ka Meghalaya Football Association da ong ko leh wa i thong ko toh wow pynku yei kaam yalehbol hapoh ka jylla wei da khut ko yei ya krehlang yong waroh heiyatoh wa ini tangwa kitu won kiwa kwah wow pynthut yeini ym kheiñstiñ ka Executive Committee ka MFA.
Kam wow pynynmoo wa ka MFA da Suspend ko yaka TSA ha u Naichiphaw u 2019 neidaw wym em bood ko ya ka Constitution ka MFA.
Puræ leh: Chah Suspend ka Thadlaskein Sports Association haka Meghalaya Football Association
Discussion about this post