Ym bien ka President wow maap ya u Terrorist wa siat ya ka Red Fort

Ka President ka ri India, ka Droupadi Murmu ym bien ko wow maap ya u Mohammed Arif uwi na ki Terrorist uwa na Pakistan uwa man leh kam uwi na kiwa wan sait ha Red Fort wei ini da man ko ka sien wa ar wa da kyntait yeini i paan maap namo ka Mercy Plea da ka President wa katni.

Nyngkong da kyntait ya ka Mercy Plea da ka President ha ka 25-07-22 wa sa ynnin ka 12 tarik.

Uni u bru toh uwa da phah pynyap noh da ka yung bichaar tangwa em hok hi ki hapoh ka Article 32 ka Constitution yow kyrpaad pynduna noh yei chah pynchitom ki.

Ka Supreme Court da dep ko wow pynmih hukum wow phah pynyap noh ya u Arif neibhah iwa leh toh iwa man pyrchah ya ka ri iwa da jia ha ka 22-12-2000 heiwa da chah siat yap 3 ngut ki chipai ka 7 Rajputana Rifles wa sonteri ya ka Red Fort.

Related posts

Chah ieh iwi i khonboo hapoh ka Cradle Point

November 23, 2024

Lai yachem ka JNC wa u Nujorki neibynta ki chnong wym yoh sarok, yoh bordiñ wei ki wym em tang ha ka Census leh

November 23, 2024

U Arif toh u dkhot ka Lashkar-e-Taibha (LeT) wei deilang wa u Abu Shaad, u Abu Bilal wa u Abu Haider da psiah ki cha ka Red Fort tangwa kini da chah siat yap noh ki katwa ya u Arif da yoh u kem hadien soo sngi wa jia ini.

Ha u Naichiphaw 2005 ka yung bichaar da phah ko wow pynyap noh oo kam i dak pynchitom.

U Arif deilang wa ki 3 ngut da psiah ki chapoh India ha u snem 1999 wei da sooh buit ki wow lai siat ha Red Fort deiwa sah ki nyngkong ha Srinagar.

Yei rai wow phah pynyap oo da pynskem da ka Dehli High Court ha u snem 2007 wa sa ka Supreme Court ha u snem 2011 tangwa da kyrpaad ma kyrpaad u ha u snem 2012 wa ha u snem 2014 neitæ ha u snem 2016.