U Prime Minister ka ri, u Narendra Modi da pdiang sñiawbha u yei rai ka Supreme Court ynne heiyatoh wa iwa leh ka sorkar wow pyndooh ya ka Article 370 ha Jammu & Kashmir heiwa ka yung bichaar wa khlieh dooh ka ri ym bien ko wow pynkylla næ pyndam yeiwa da dep leh ka sorkar.
U Modi da ong u wa ini wa rai ka Supreme Court ynne ka sngi toh i wow sahkynmoo heiwa da pynksan wei pynskem yei rai ka Parliament ka ri India haka 5 tarik u Naisaphra 2019 wei man i leh i wow e kyrmen yow lai chakhmat yow wanrah yei yatylli ki payu para wa em ha Jammu, Kashmir wa Ladakh.
Chooh chooh da ong u wa ka yung bichaar hei stat yong ka sñiawthooh ko yei emkaam u man kiwa yatylli kam ki jaitbru ka India.
U Modi da kular u ya ki bru ka Jammu, Kashmir wa Ladakh wow pynmankaam yeiwa angnood ki yow wanrah yei roi i paar cha waroh ki.
Ka Supreme Court hawa pynskan ya iwa da leh chwa ka sorkar, ynne da pynmih hukum ko leh wa ym em iyi iyi i Special Status wow e cha ka Jammu & Kashmir.
Sa iwi wa phah ka Supreme Court toh ya ka Election Commission of India wow pynman Election hapoh ka Jammu & Kashmir chwa u kut u Naikhynde 2024 neibhah ka sorkar da pynsñiaw ko wa kwah ko wow pynman biang yaka kam ka jylla.
Kam wow pynkynmoo wa ka Jammu & Kashmir da dooh ko yei man kam ka jylla nadooh wa pyndam ya ka Article 370 kamjooh i man kyrpang namo ka Special Status.
Puræ leh: Pyndam ka sorkar yaka Article 370 wa Article 35 (A), u phiah yaka J&K cha ki ar tylli ki UT
Discussion about this post