Ka Jaiñtia Students’ Union (JSU), Central Body da pynsñiaw ko yei sñiawkhia wa joor yei wym em khooid wei wym biang i krehkaam ka District Selection Committee (DSC) ka West Jaiñtia Hills heiwa deiwa yachem wa u DC wei deiwa thooh bniah da chem wa em boon iwa lait, i wym man hok wa i rukom krehkaam wym yahaap de wa i por wa katni hawa khut yaleh kreh.
Ka seiñ da chem ko wa i krehkaam ka Committee warim ka DSC toh kawa da kut ha ka 28 tarik u April, 2025 tangwa ka Committee thymme da thung ha ka 11 tarik u November, 2025 iwa man 6 bnai da krehkaam ka DSC khlem da bood katkam ki kyndon.
Wei ini mut i wa iwa khut Advertisement, i pynman Exam wa i thung kreh da leh da ka Committee wym em bor de.
Da chem leh wa ki dkhot ka Committee toh da ki jooh bait kam u Vice-Chairman wa ki dkhot warim wei ini man ko kawa e laad wow leh chiliang wei leh embor.
Da kdaw leh wa ka DSC Cell kawa krehkaam na Jowai tangwa ka Member Secretary won toh da ka SDO ka Amlarem Sub-Division kawa em cha jngai wei ini da pyntkoh ko yei krehkaam lada ka Member Secretary ym em ko ha Jowai hi.
Chooh chooh da e nongmuna wym pynmih paidbah ya ki Answer Key ya ki kreh wa da khut neibynta ki LDA Cum Typist, Grade IV, Gram Sevak, Gram Sevika, Copyist, Male Supervisor wa Weaving heiwa u DC da kyntait u wow pynmih yeini deiwa e daw wa ki kyndon ka DSC kattæ ym em ong wa hap wow pynmih ya ki Answer Key.
Kamtæ ka JSU da dawa ko wow pynkylla noh ya ka 2014 DSC SOP yow man iwa khooid i khut yaleh kreh. Toh u pyndep yei thung kreh hapoh 6 bnai, u pynyoo paidbah ya ki Answer Key hapoh 48 kynta nadooh wa pynman ya ka Exam.
Ya ki Vice-Charman wa ki Member ka DSC (Non-Official) ymtoh u chah wow man dkhot ki palat ya ar snem.
U Member-Secretary toh u man da u MCS uwa chong chnong ha Jowai.
U pynmih noh leh ya waroh ki Result wa dang sah ya kini ki kreh wa da kdaw hapoh chi tayaaw.
Discussion about this post