Ym bien u khynnah wow ieh ya uwa rahbor oo hadien 14 bnai wa kdong ki pulit ki

U khynnah wa dang ar snem uwa da chah rahbor la 14 bnai, da yajan bha u wa uwa rahbor oo hadooh wa da yaam u hawa wan chim ki pulit ka Jaipur oo ha ka 27 tarik u Naisaphra uni u snem.

Uni u khynnah toh uwa tip kam u Prithvi wei uwa rahbor ya oo da tip kam u Tanuj Chahar wei da yoh wow lai pynlait oo na i chnong Aligarh, UP hadien ka takit wa jrong bha.

Ha i Video wa yoh u riñ heipor wa lai chimkti ya uni u khynnah, da yoo wa uni u khynnah ym bien u wei da kdung u ya uwa rahbor ya oo wei da yaam u manda rah uwi u pulit oo wei uni uwa rahbor oo leh da sooh yaam u.

Uni uwa rahbor oo toh uwa 33 snem i rta wei jooh man u kam u Head Constable hapoh ka Reserve Police Lines ha Aligarh uwa chong chnong ha Agra, wei da ye u wow yut ya ki pulit hadooh chi snem tam.

Da im u wa uni u khynnah hapoh iwi i yung trep harood ka wah Yamuna wei da pynkylla u leh yei dur u deiwa ieh tmaaiñ wei ym em leh pynemkaam Mobile Phone u.

Ini waroh da sdang i heipor wa lai u Tanuj cha Jaipur yow lai thooh ya ka kynthai wa maya u kawa tip kam ka Poonam Chaudhary wei da im u leh cha rood sarok wei na ini i daw da chah beh kreh u leh.

Hadien chi snem chem u ka ka Poonam tangwa dadep chah pynbia ko.

Tangwa neidaw wa da jooh ya tipmit ki wei da jooh ya maya ki nachwa, da sdang ki wow ya sahlang hanla dadep bia ko leh heiwa da mih i pyrchah na kiwa ha-yung yong ko wei da hap ki wow yalait noh.

Ha ini i por, kani ka bru da kha khon ko wei u Tanuj da khut u ka wow yut lang wa oo deilang wa u khon tangwa ym bien ko iwa da pynman ya oo wow rahbor ya uni u khon deiwa kam toh i yong oo. Dang mut u wa deiwa rahbor ya u khon daw pynbor i ya ka wow lai sah noh wa oo ha UP.

Ki pulit da pyntip ki wa heipor wa kdong ki ya oo, neipor cheipor da kynjoh ktien u ya ka Poonam tangwa da kylla Phone u chibet da kawi chibet da kawi hadooh wow phon leh ya ki pulit wym ye ki wow kem oo.

U Tanuj uwa da em ha kti ki pulit, da pteiñ u wow kam wa u Prtihvi toh u khon yong oo wei wow pynuiñ oo.

Neiliang ka bei uni u khynnah da klam che ko wym em de kwah ko wow ya em wa u Tanuj.

Related posts

Beiñ ka Assam Congress yei rai u Himanta wow dam noh u e Aadhaar

August 22, 2025

Pynskem ka HNYF ya ka Laskeiñ Block Area Circle

August 22, 2025

Ki pulit da pyntip ki wa heipor wa kdong ya u Tanuj da lai cha kiwa boon ki chnong kam ka Mathura, Agra wa Vrindavan.

Heipor wa rahbor u ya uni u khynnah, da em u dang 11 bnai.