Ka DC ka East Khasi Hills da pyntip ko wa ynne ka 14 tarik hapoh ka District da e tika 7861 sien wa kyntup ya kiwa 6842 ngut kiwa em hapoh ki thaw wa man sor kiwa yoh yei sien wa nyngkong i tika wa 9 ngut kiwa yoh yei sien wa ar.
Ha ki thaw wa em cha palatsor kiwa yoh yei sien nyngkong i tika ynne ka sngi da em ki 1004 ngut katwa kiwa yoh yei sien wa ar da em ki 6 ngut.
Kamtæ ka DC da ong ko wa da dep pynmih hukum wa waroh ki dukan toh u pynyoo ki la katwon sien yoh tika ki wakreh ki deiwa booh ha i thaw wa chynna waroh hapoh ki dukan.
Ka DC da ong ko leh wa kiwon kiwon ki dukan ki wym pu em chim tika ki wakreh ym chah wow wai ki nadooh ka 24 tarik uni u bnai.
Chooh chooh ka DC da phah ko ya u District Transport Officer wow wanrah yei rukom krehkaam ki kari kamai ha ka tayaw wow wan iwa chong leh hei long i man. Tangwa waroh kiwa yah kari kamai wa kynthup ya ki Local Taxi, Tourist Taxi wa ki Bus emkaam wow yoh yei tika chisien chwa wow chah u lai kamai ki.
