Hadien wa yoh yutip wa boon ki dukan (Hotel wa ki Restaurant) wa dai doh masi kiwa em hapoh Naharlagun Sub-Division ka jylla Arunachal Pradesh heiwa da thoh ki ya i kyntien ‘BEEF’, namo wa yoh doh masi na kini ki dukan neiliang ki bor District da pynmih ki ya ka hukum ha ka 13 tarik uni u bnai heiyatoh wa ini.
Ka hukum da ong ko wa ini i thoh ya ini i kyntien ‘BEEF’ daw ktah i yei sñiaw niam wei man i leh pyrchah ya ka riti synchaar ka ri.
Kamtæ, hajrong wow pynneh pynsah ya i chongsuk neiliang u Executive Magistrate ka Naharlagun Sub Division, u Tamo Dada da phah ya waroh kini ki dukan wow tymplæh yeini i kyntien chwa ka 18 tarik uni u bnai.
Ki wym bood ya kani ka hukum ye ki wow chah daiñ kuna hadooh T. 2000 wei daw pyndam noh ya ka Trading Licence yong ki.
